USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AXCP rəsmisi Təzəxan Mirələmli DTX tərəfindən saxlanılıb, evində axtarış aparılıb
Azərbaycan Xalq Cəbhəsi Partiyasının (AXCP) Mərkəzi Nəzarət-Təftiş Komissiyasının sədri Təzəxan Mirələmli Dövlət Təhlükəsizlik Xidməti (DTX) tərəfindən saxlanılıb. Bu barədə məlumatı Meydan TV-yə partiyanın mətbuat xidmətinin rəhbəri Natiq Ədilov verib.
Onun sözlərinə görə, DTX əməkdaşları Mirələmlinin evində axtarış aparıb və axtarış zamanı ona məxsus kompüter və telefon müsadirə edilib. Bildirilir ki, o, AXCP sədri Əli Kərimlinin məhkəməsinə gedərkən saxlanılıb və daha sonra DTX-yə aparıldığı məlum olub.
Dekabrın 5-də Əli Kərimlinin apellyasiya məhkəməsi keçirilib. Məhkəməyə gələn 20-dən çox AXCP fəalının, o cümlədən Təşkilat Şöbəsinin sədri Saqif Qurbanovun və Binəqədi şöbəsinin sədri Ramid Nağıyevin saxlanıldığı qeyd olunur.
Əli Kərimli noyabrın 29-da saxlanılıb və ona qarşı Cinayət Məcəlləsinin 278.1-ci maddəsi (hakimiyyəti zorla ələ keçirmə və konstitusiya quruluşunu zorla dəyişdirmə) ilə ittiham irəli sürülüb. Dekabrın 1-də Səbail Rayon Məhkəməsi onun barəsində 2 ay 15 gün müddətinə həbs qəti imkan tədbiri seçib.
Hökumətyönlü media Əli Kərimlinin saxlanılmasını Ramiz Mehdiyevlə bağlı işlə əlaqələndirsə də, AXCP bu iddiaları əsasız sayır.
