USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əli Kərimli həbsdə qaldı: Məhkəmə qərarı qüvvədə saxlandı, 20-dən çox fəal saxlanıldı
Bu gün, dekabrın 5-də, Bakı Apellyasiya Məhkəməsində AXCP sədri Əli Kərimli barəsində seçilmiş həbs qətimkan tədbirinə qarşı verilmiş şikayətə baxılıb. Məhkəmə Səbail Rayon Məhkəməsinin qərarını qüvvədə saxlayıb və Əli Kərimli həbsdə qalıb.
AXCP-nin məlumatına görə, məhkəmə binasının qarşısına toplaşan 20-dən çox fəal polis tərəfindən saxlanılıb. Həmçinin prosesə gələnlərin hərəkətinə maneələr yaradıldığı, ərazidə isə internetin bloklandığı bildirilir.
Saxlanılanlar arasında AXCP Təşkilat Şöbəsinin sədri Saqif Qurbanov və partiyanın Binəqədi şöbəsinin sədri Ramid Nağıyev də var.
Əli Kərimlinin həbsi haqqında
AXCP sədri noyabrın 29-da saxlanılıb. O, Cinayət Məcəlləsinin 278.1-ci maddəsi ilə — hakimiyyəti zorla ələ keçirməyə və konstitusiya quruluşunu zorla dəyişdirməyə cəhd ittihamı ilə məsuliyyətə cəlb olunub.
Dekabrın 1-də Səbail Rayon Məhkəməsi onun barəsində 2 ay 15 gün müddətinə həbs qətimkan tədbiri seçib.
Hökumətyönlü media Əli Kərimlinin saxlanılmasını “Ramiz Mehdiyev işi” ilə əlaqələndirir.
Faktla bağlı proseslər və saxlanılan fəalların durumu diqqətdə saxlanılır.
