Gürcüstanın üçüncü prezidenti Mixail Saakaşvili Qori Hərbi Hospitalından fövqaladə açıqlama verib.
Gürcü mətbuatı yazır ki, onun məktubunu vəkili Nika Qvaramiya oxuyub:
“Nika Qvaramia, Nino Lomjaria və Dito Sadzaqalişvili
Bu gün məni aparmağa gəldilər (27 dekabr), altının yarısı olardı, qara rəng geyinmişdilər. Transfer ediləcəyim barədə mənə məlumat verildi, amma hara köçürüləcəyim haqda deyil.
Mən qan təzyiqi və nəbz yoxlamasını istədim. Təzyiqim 180, ikinci ölçmədə 200-110 idi. Normal təzyiqim 120-180-dir. Bu, mütləq hipertansif böhran idi. Məndə heç vaxt belə təzyiq və nəbz olmayıb. Bundan sonra məni zorla çıxarmağa çalışıblar. Müqavimət göstərdim. Bundan sonra qapını bağladım və heç nə xatırlaya bilmirəm. Özümə gələndə həkim üstümdə dayanıb dedi ki, daha heç yerə getməyəcən, xəstəxanada qalacaqsan.
Bu, indiyə qədər yaşadığım ən ağır böhran idi. Videonu özləri ilə aparardılar. Tibbi prosedurlar zamanı mənim iştirakım videoda çox pis qeydə alınıb", - M.Saakaşvili yazıb.