USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“İşçi Masası” üzvü Elvin Mustafayev həbsdə aclıq aksiyasına başlayıb
“İşçi Masası” Həmkarlar İttifaqları Konfederasiyasının üzvü Elvin Mustafayev beş gündür ki, həbsdə aclıq aksiyası keçirir. Bu barədə məlumatı mayın 6-da konfederasiya yayıb.
Bildirilib ki, Mustafayev 1 saylı Cəzaçəkmə Müəssisəsində məhbusların hüquqlarının pozulmasına etiraz edir və eyni zamanda siyasi məhbuslar – o cümlədən Tofiq Yaqublunun azad olunmasına çağırır. Onun sözlərinə görə, müəssisədə məhbusların ticarət hüquqları pozulur, köşklərdə məhsulların qiymətləri süni şəkildə yüksək saxlanılır, siyasi və vicdan məhbuslarına isə fərqli cəzalar tətbiq olunur.
“Elvin Mustafayev cərimə kamerasına salınmaqla və ya müəssisəsinin dəyişdirilməsi ilə təhdid olunur. Bu cəzalar bəzən təhdid səviyyəsində qalır, bəzən isə reallaşdırılır”, – deyə təşkilat fəalın sözlərinə istinadən qeyd edib.
Elvin Mustafayev 2023-cü ilin avqustunda narkotik maddələrin qanunsuz dövriyyəsi ittihamı ilə saxlanılıb. Lakin o, bu ittihamları qəbul etmir və həbsini “İşçi Masası”ndakı ictimai-sosial fəaliyyəti ilə əlaqələndirir. 2024-cü il yanvarın 31-də Bakı Ağır Cinayətlər Məhkəməsi tərəfindən 3 il azadlıqdan məhrum edilib.
Qeyd edək ki, 2022-ci ildə yaradılan “İşçi Masası” Həmkarlar İttifaqları Konfederasiyasının daha üç üzvü – sədr Afiəddin Məmmədov, Ayxan İsrafilov və Möhyəddin Orucov da müxtəlif ittihamlarla həbsdə saxlanılır. Onlar haqqında irəli sürülən bütün ittihamlar qurama və siyasi motivli sayılır.
