USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fəal Möhyəddin Orucovun atasının avtomobili 40 min manatlıq cərimə iddiası ilə müsadirə edilib
“İşçi Masası”nın həbsdə olan üzvü Möhyəddin Orucovun atası Şahbəddin Orucova məxsus avtomobil 40 800 manatlıq cərimə borcu iddiası ilə polis tərəfindən müsadirə olunub.
Bu barədə məlumatı Meydan TV-yə fəalın ailəsi verib. Onların sözlərinə görə, iyunun 17-də Qaradağdakı cəzaçəkmə müəssisəsinə Möhyəddinə baş çəkməyə gedərkən “20 Yanvar” metrostansiyası yaxınlığında yol polisi tərəfindən saxlanılıblar.
“Polis sənədləri yoxlayandan sonra dedi ki, avtomobilin çoxsaylı cərimə borcu var və cərimə meydançasına aparılmalıdır. Bizə heç bir rəsmi bildiriş göndərilməmişdi. Dedilər ki, cərimə portalda görünmür, harasa zəng etdilər və 40 300 manatlıq borc olduğunu bildirdilər”, – deyə ailə üzvü bildirib.
Ailə üzvləri əlavə edib ki, hadisədən bir neçə gün öncə Şahbəddin Orucov oğlunun həbsi və polis işgəncələri barədə mətbuata açıqlama verib. Onların fikrincə, avtomobilin müsadirəsi bu müsahibənin nəticəsi ola bilər.
Hazırda ailə məsələ ilə bağlı məhkəməyə müraciət etməyə hazırlaşır.
Məsələ ilə əlaqədar Bakı şəhər Baş Polis İdarəsi də daxil olmaqla aidiyyəti qurumlardan münasibət almaq mümkün olmayıb.
⸻
Xatırladaq ki, Möhyəddin Orucov 2023-cü ilin dekabrında külli miqdarda narkotik maddə saxlama ittihamı ilə həbs olunub. O, bu ittihamı qəbul etməyərək, həbsi siyasi fəaliyyətilə əlaqələndirib. Məhkəmə onun barəsində 3 il azadlıqdan məhrumetmə cəzası çıxarıb.
