USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fikrət Cəfərli sifarişli həbslə həbs olunub
Xəbər verdiyimiz kimi 29 iyul 2025-ci il tarixində Binəqədi Rayon Məhkəməsi “İşgəncələr Əleyhinə Araşdırmalar Mərkəzi”nin sədri, tanınmış hüquq müdafiəçisi Fikrət Cəfərlini 4 ay müddətinə azadlıqdan məhrum edib. Hüquq müdafiəçilərinin bildirdiyinə görə, qərar əsassız olub — məhkəmə prosesi zamanı şahidlərin dindirilməsinə icazə verilməyib, müdafiə tərəfinin vəsatətləri təmin olunmayıb, həmçinin Cəfərlinin ilk dəfə məhkum olunması və himayəsində 1-ci qrup əlil övladının olması nəzərə alınmayıb.
Hüquq müdafiəçiləri hesab edirlər ki, bu həbslə Azərbaycanda siyasi məhbusların sayı 400-ə çatıb. Siyahıda hüquq müdafiəçiləri, jurnalistlər, müxalifət partiyalarının nümayəndələri, vətəndaş cəmiyyəti fəalları, eləcə də “Tərtər işi” üzrə məhkumlar yer alır.
Rəsmi qurumlar isə ölkədə siyasi məhbusun mövcudluğunu inkar edir. Hökumət nümayəndələrinin açıqlamasına görə, heç kim siyasi mövqeyinə görə deyil, konkret cinayət əməlinə görə həbs olunur.
Beynəlxalq təşkilatlar və yerli hüquq müdafiəçiləri hökuməti siyasi məhbusları dərhal və şərtsiz azad etməyə çağırırlar.
