USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ Dövlət Departamenti: “İşçi Masası” fəallarına qarşı repressiyalar qanunsuzdur
ABŞ Dövlət Departamentinin 2024-cü ilə dair insan haqları hesabatında Azərbaycanda əmək hüquqlarının pozulması və müstəqil həmkarlar ittifaqlarına qarşı repressiyalarla bağlı ciddi iddialar yer alıb.
Sənəddə bildirilir ki, xüsusilə yemək çatdırılması sahəsində çalışan müstəqil podratçılar və onların hüquqlarını müdafiə edən fəallar hökumət tərəfindən təzyiqlərə məruz qalıb. Bu təzyiqlərlə bağlı şikayətlər araşdırılmayıb və məsul şəxslər cəzalandırılmayıb.
Hesabatda Müstəqil Həmkarlar İttifaqları Konfederasiyasının “Workers Desk” (“İşçi Masası”) bölməsinin fəalları – Afiəddin Məmmədov, Möhəddin Orucov, Ayxan İsrafilov və Elvin Mustafayevin 2023-cü ilin avqustunda baş vermiş yemək çatdırılması işçilərinin tətilindən sonra həbs olunduğu qeyd edilir.
Məlumata görə, 2024-cü il yanvarın 31-də Elvin Mustafayev 3 il müddətinə azadlıqdan məhrum edilib, digər fəallar isə ötən ilin noyabrına qədər məhkəmə hökmü gözləyərək istintaq təcridxanasında saxlanılıb.
Bəzi QHT-lərin açıqlamalarına istinadən vurğulanır ki, hakimiyyət bu fəallara qarşı əsassız ittihamlar irəli sürərək həmkarlar ittifaqı fəaliyyətini boğmaq və əmək hərəkatında etiraz səslərini susturmaq məqsədi güdüb.
