USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Meydan TV işi” üzrə həbs olunan jurnalistlərin həbs müddəti uzadılıb
Sentyabrın 16-da Xətai Rayon Məhkəməsində “Meydan TV işi” üzrə həbsdə olan jurnalistlərin növbəti məhkəmə prosesi keçirilib. Məlumata görə, jurnalistlər Fatimə Mövlamlı, Ülviyyə Əli (Quliyeva) və Şəmşad Ağanın həbs müddəti daha 3 ay uzadılıb. Sentyabrın 17-də isə Nurlan Qəhrəmanlının (Libre) barəsində da belə qərar çıxarılıb.
Qeyd edək ki, 2023-cü ilin noyabr ayından “Abzas Media”, 2024-cü ilin may ayından “Toplum TV” işi üzrə jurnaıistlərə cinayət işinaçılıb.
“Meydan TV işi” üzrə ilk saxlanmalar 2024-cü il dekabrın 6-da baş verib. Həmin tarixdə saytın Azərbaycan nümayəndəliyinin rəhbəri Aynur Elgünəş, jurnalistlər Ramin Deko, Aysel Umudova, Aytac Tapdıq, Xəyalə Ağayeva və Natiq Cavadlı saxlanılıblar. Daha sonra “Arqument.az” saytının baş redaktoru və “Meydan TV” ilə əməkdaşlıq edən jurnalist Şəmşad Ağayev (Ağa), jurnalistlər Nurlan Libre (Qəhrəmanlı), Fatimə Mövlamlı, Ülviyyə Əli (Quliyeva) və fotoqraf Əhməd Muxtar da həbs olunublar.
Həbs olunan jurnalistlərin heç biri özünü təqsirli bilmir. Məhkəmə prosesləri ayrı-ayrılıqda keçirilir və onların vəkilləri hüquqi müdafiələrini davam etdirirlər.
Bu işlə bağlı ictimaiyyət və media nümayəndələri tərəfindən narahatlıq ifadə olunur. Bir sıra beynəlxalq təşkilatlar jurnalistlərin həbsi və məhkəmə proseslərinin şəffaflığı ilə bağlı Azərbaycana müraciətlər ediblər. “Meydan TV işi”nin gedişi ölkədə söz və mətbuat azadlığı məsələlərinə dair müzakirələri də aktuallaşdırıb.
