
Sosial şəbəkələrdə kommunist ideologiyasının təbliği məqsədilə SSRİ bayraqları ilə yürüş etməyə cəhd göstərən şəxslərin videogörüntüləri yayılıb.
Daxili İşlər Nazirliyi (DİN) tərəfindən keçirilən tədbirlərlə təşkilatçı şəxslər Abdulla İbrahimli, İbrahim Əsədli və yürüşdə iştirak edən digər şəxslər müəyyən edilərək saxlanılıb. Barələrində cinayət işi başlanıb.
Qeyd edilir ki, saxlanılan İbrahim Əsədli tanınmış həkim-onkoloqdur. Daha əvvəl saytımızda onun qeyri-rəsmi münasibətdə olduğu şəxslə birlikdə həyat yoldaşına qarşı fiziki zor tətbiq etməsi ilə bağlı xəbər yayımlanmışdı. Hadisə zamanı İ.Əsədli və sevgilisi Aynur Əsədliyə qarşı şiddət göstərmişdi.
Araşdırmalar davam edir və cinayət işi üzrə hüquqi tədbirlər görülür.