USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsmayıl Qaaninin “edam edilməsi” iddiaları təkzib olunur
İranın elit hərbi qurumu olan Qüds qüvvələrinin komandanı İsmayıl Qaani ilə bağlı sosial şəbəkələrdə yayılan “edam edilib” iddiaları hələlik rəsmi şəkildə təsdiqlənməyib.
Son günlər bəzi media və sosial platformalarda Qaaninin İran İnqilab Keşikçiləri Korpusu (SEPAH) tərəfindən saxlanıldığı və guya İsrailin Mossad kəşfiyyatına casusluq ittihamı ilə edam edildiyi barədə məlumatlar yayılıb. Lakin bu iddialar əsasən təsdiqlənməmiş və qeyri-rəsmi mənbələrə əsaslanır.
İran rəsmiləri yayılan xəbərləri təkzib edərək bildiriblər ki, Qaaninin edam edilməsi ilə bağlı məlumatlar həqiqəti əks etdirmir. Rəsmi Tehran tərəfindən bu mövzuda nə edam, nə də həbs faktını təsdiqləyən hər hansı açıqlama verilməyib.
Qeyd edək ki, İsmayıl Qaani daha əvvəl də bir neçə dəfə sui-qəsd və ölüm xəbərləri ilə gündəmə gəlib. Lakin sonradan bu məlumatların yanlış olduğu üzə çıxıb.
Ekspertlər hesab edir ki, regionda artan gərginlik fonunda bu kimi təsdiqlənməmiş xəbərlər və dezinformasiyalar daha sürətlə yayılır.
