USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İsrail vətəndaşlarına Azərbaycan və Gürcüstana səfərlə bağlı xəbərdarlıq edib
İsrailin Milli Təhlükəsizlik Şurası yəhudi bayramları ərəfəsində İranla sərhəddə yerləşən bir sıra ölkələrə səfərlə bağlı xəbərdarlıq yayıb.
Şura qərarı İranın təsiri altında olan şəxslərin yəhudiliyə aid məkanlarda terror hücumları həyata keçirə biləcəyi ilə bağlı narahatlıqlarla əsaslandırıb. Xəbərdarlıq martın 24-də verilib və İranla davam edən gərginlik fonunda xaricdəki israillilərə qarşı terror təhlükəsinin artdığı qeyd olunub.
Bəyanatda bildirilib ki, İranla davam edən müharibə xaricdə yaşayan israillilər üçün riskləri artırır və son dövrlərdə Qərb ölkələrində yəhudiliyə aid məkanlara qarşı bir neçə terror hücumu cəhdinin qeydə alındığı vurğulanıb.
İsrailin Milli Təhlükəsizlik Şurası İranla həmsərhəd ölkələrə, o cümlədən Azərbaycan, Gürcüstan, Türkiyə, Birləşmiş Ərəb Əmirlikləri və Körfəz ölkələrinə səfər edən vətəndaşlara yəhudiliyə aid məkanlarda keçirilən kütləvi tədbirlərdə, o cümlədən bayram mərasimlərində iştirak etməmək tövsiyə edib.
Qurum qeyd edib ki, İranla əlaqəli qüvvələrin bu ölkələrdə “kinetik hücumlar” həyata keçirməsi ehtimalı ilə bağlı narahatlıq mövcuddur.
