USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranla sərhəddə əməliyyat: Atışma zamanı 18 kiloqramdan çox narkotik aşkarlanıb
İyulun 20-də Azərbaycan–İran sərhədində baş verən insident zamanı Dövlət Sərhəd Xidmətinin (DSX) əməkdaşları sərhəd pozucusunun qarşısını almaq üçün atəş açmalı olub.
DSX-nin yaydığı rəsmi məlumata görə, hadisə Sərhəd Qoşunlarının “Lənkəran” sərhəd dəstəsinin xidməti ərazisində baş verib. İran İslam Respublikasından Azərbaycan istiqamətinə keçməyə cəhd edən naməlum şəxsin şübhəli hərəkətləri müşahidə edildikdən sonra sərhəd zastavası “Silaha” komandası ilə qaldırılıb və ərazi tam nəzarətə götürülüb.
Sərhəd pozucusuna “Dayan” əmri verilsə də, o əmrə tabe olmayıb. Bunun ardınca sərhədçilər havaya xəbərdarlıq atəşi açıblar. Lakin sərhəd pozucusu qaranlıq və meşəlik şəraitdən istifadə edərək qaçmağa müvəffəq olub. Qaçarkən o, üzərindəki bağlamaları atıb.
Keçirilmiş əməliyyat-axtarış tədbirləri nəticəsində həmin ərazidə ümumi çəkisi 18 kiloqram 100 qram olan marixuana aşkar edilərək götürülüb.
Hadisə ilə bağlı əməliyyat-istintaq tədbirləri davam etdirilir.
