USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
VOA prezidenti Ülviyyə Əlinin azadlığa buraxılmasına çağırıb
Amerikanın Səsinin prezidenti Maykl Abramoviç “Meydan TV işi” çərçivəsində həbs olunan jurnalist Ülviyyə Əlinin azadlığa buraxılmasına çağırış edib.
Abramoviç jurnalistin həbsindən bir il keçdiyini qeyd edərək bildirib ki, onun saxlanılması Azərbaycanda müstəqil mediaya qarşı təzyiqlər fonunda baş verib. O vurğulayıb ki, 32 yaşlı jurnalist uzun illər müstəqil media qurumları ilə əməkdaşlıq edib və siyasi həssas mövzular üzrə reportajlar hazırlayıb.
VOA rəhbərinin sözlərinə görə, Ülviyyə Əli ötən il Bakıda evində keçirilən polis əməliyyatından sonra saxlanılıb, mənzilində axtarış aparılıb və iş avadanlıqları götürülüb.
Paylaşımda qeyd olunub ki, jurnalist qaçaqmalçılıq maddəsi ilə ittiham edilir və onu 8 ilədək həbs cəzası gözləyə bilər. Abramoviç bu işi müstəqil mediaya qarşı daha geniş repressiya dalğasının tərkib hissəsi kimi qiymətləndirib.
O həmçinin Azərbaycan hakimiyyətini jurnalistin təhlükəsizliyini təmin etməyə, ittihamların ədalətli və şəffaf şəkildə araşdırılmasına və onun azadlığa buraxılması üçün addımlar atmağa çağırıb.
Qeyd edək ki, Ülviyyə Əli ittihamları qəbul etmir və həbsinin jurnalist fəaliyyəti ilə bağlı olduğunu bildirir.
