USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda WUF13 keçirilir
Bakıda keçirilən World Urban Forum 13 çərçivəsində Azərbaycan Respublikasına həsr olunmuş xüsusi sessiya – Azərbaycan formu təşkil olunub. Tədbirdə ölkənin şəhərsalma siyasəti, dayanıqlı inkişaf istiqamətləri və post-münaqişə dövründə həyata keçirilən bərpa-quruculuq layihələri təqdim edilib.
Forum çərçivəsində Azərbaycan nümayəndə heyəti “ağıllı şəhər” və “ağıllı kənd” konsepsiyaları, rəqəmsal idarəetmə həlləri və yaşıl enerji təşəbbüsləri barədə geniş məlumat verib. Xüsusilə Qarabağ və Şərqi Zəngəzur iqtisadi rayonlarında icra olunan layihələr iştirakçıların diqqətini cəlb edib.
Tədbirdə çıxış edən rəsmilər Azərbaycanın urbanizasiya sahəsində beynəlxalq əməkdaşlığa açıq olduğunu və bu istiqamətdə yeni tərəfdaşlıqlar qurmaq niyyətində olduğunu vurğulayıblar. Forum çərçivəsində müxtəlif ölkələrdən olan mütəxəssislərlə fikir mübadiləsi aparılıb və gələcək əməkdaşlıq imkanları müzakirə olunub.
Qeyd edək ki, Dünya Şəhər Forumu qlobal miqyasda şəhərlərin davamlı inkişafı və urbanizasiya problemlərinin müzakirəsi üçün mühüm platformadır. Adətən bu forumda 150-dən çox ölkədən nümayəndələr iştirak edir və ümumi iştirakçı sayı on minlərlə olur. WUF13-ün də geniş beynəlxalq iştirakla keçirildiyi bildirilir.
