USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sərhəddə iri həcmdə narkotik qaçaqmalçılığı ifşa edildi
İran istiqamətindən Azərbaycana külli miqdarda narkotik vasitələrin keçirilməsinin qarşısı alınıb.
Dövlət Sərhəd Xidmətinin Mətbuat Mərkəzindən verilən məlumata görə, hadisə mayın 22-də Sərhəd Qoşunları Komandanlığının “Göytəpə” sərhəd dəstəsinin xidməti ərazisində baş verib. Keçirilmiş sərhəd axtarışı və əməliyyat-qoşun tədbirləri nəticəsində qaçaqmalçılıq cəhdinin qarşısı alınıb.
Əməliyyat zamanı ümumi çəkisi 35 kiloqram 200 qram narkotik vasitə – marixuana, eləcə də 3000 ədəd psixotrop tərkibli “Metadon M-40” həbi aşkar edilərək götürülüb. Məlumata görə, bu vasitələrin İrandan Azərbaycan ərazisinə qanunsuz yolla keçirilməsi planlaşdırılıb.
Faktla bağlı əməliyyat-istintaq tədbirləri davam etdirilir. Hüquq-mühafizə orqanları qaçaqmalçılıq cəhdində iştirak edən şəxslərin müəyyən olunması istiqamətində araşdırmalar aparır.
