USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azad edilmiş ərazilərdə bir ayda 284 mina aşkarlanıb
İşğaldan azad edilmiş ərazilərdə minatəmizləmə fəaliyyətini həyata keçirən qurumların may ayı üzrə əməliyyatlarının nəticələri açıqlanıb.
Azərbaycan Respublikasının Minatəmizləmə Agentliyi tərəfindən verilən məlumata görə, ötən ay ərzində azad edilmiş ərazilərdə 173 piyada əleyhinə mina, 111 tank əleyhinə mina və 1537 partlamamış hərbi sursat (PHS) aşkar edilərək zərərsizləşdirilib.
Məlumatda bildirilib ki, hesabat dövründə ümumilikdə 7520,2 hektar ərazi mina və partlayıcı qalıqlardan təmizlənib.
Minatəmizləmə işləri işğaldan azad olunmuş ərazilərdə təhlükəsiz yaşayışın təmin edilməsi, infrastruktur layihələrinin icrası və məcburi köçkünlərin doğma yurdlarına qayıdışının sürətləndirilməsi baxımından mühüm əhəmiyyət daşıyır.
