USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azad edilmiş ərazilərdə bir həftədə 105 mina aşkarlanıb
İşğaldan azad edilmiş ərazilərdə minatəmizləmə fəaliyyətinə cəlb olunmuş qurumlar tərəfindən 02.02.2026–08.02.2026-cı il tarixlərini əhatə edən həftəlik əməliyyatların nəticələri açıqlanıb.
Azərbaycan Respublikasının Minatəmizləmə Agentliyindən (ANAMA) verilən məlumata görə, Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilan rayonlarında, eyni zamanda Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı və Qızılhacılı kəndlərində aparılan əməliyyatlar zamanı 97 piyada əleyhinə mina, 8 tank əleyhinə mina və 223 ədəd partlamamış hərbi sursat (PHS) aşkarlanaraq zərərsizləşdirilib.
Hesabat dövründə ümumilikdə 669,1 hektar ərazi mina və partlamamış sursatlardan təmizlənib.
ANAMA tərəfindən azad edilmiş ərazilərdə təhlükəsizliyin təmin olunması və əhalinin qayıdışı üçün minatəmizləmə işləri fasiləsiz davam etdirilir.
