USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı-Tbilisi-Qars dəmir yolunun modernləşdirilmiş hissəsinin açılış mərasimi keçirilir
Gürcüstanda yerləşən Axalkalaki dəmir yolu stansiyası ərazisində Bakı-Tbilisi-Qars (BTQ) dəmir yolu xəttinin modernləşdirilmədən sonra rəsmi istismara verilməsi münasibətilə açılış mərasimi keçirilir.
Mərasimdə İrakli Kobaxidze, Mariam Kvrivişvili, Abdulkadir Uraloğlu və digər rəsmi şəxslər iştirak edirlər.
Azərbaycan nümayəndə heyətinə Rəşad Nəbiyev rəhbərlik edir. Tədbirdə həmçinin Rövşən Rüstəmov iştirak edir.
Bakı-Tbilisi-Qars dəmir yolu xətti Asiya ilə Avropanı birləşdirən mühüm nəqliyyat dəhlizlərindən biri hesab olunur. Layihə Azərbaycan, Gürcüstan və Türkiyənin birgə təşəbbüsü ilə həyata keçirilib və regionun tranzit imkanlarının genişləndirilməsində strateji rol oynayır.
Xatırladaq ki, BTQ dəmir yolu xətti 2017-ci il oktyabrın 30-da yük daşımaları üçün test rejimində istismara verilmişdi. Modernləşdirmə işlərinin başa çatdırılması ilə xəttin yükdaşıma qabiliyyətinin əhəmiyyətli dərəcədə artırılması nəzərdə tutulur. Bu isə Orta Dəhliz üzrə yük axınının sürətlənməsinə və regionun beynəlxalq logistika mərkəzi kimi mövqeyinin möhkəmlənməsinə töhfə verəcək.
