USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı–Tbilisi sərnişin qatarları mayın 26-dan bərpa olunur
İlham Əliyev və İrakli Kobaxidzenin iştirakı ilə Bakıda keçirilən görüşlər çərçivəsində Azərbaycan və Gürcüstan arasında bir sıra mühüm sazişlər imzalanıb.
Məlumata görə, tərəflər regional əməkdaşlığın genişləndirilməsi istiqamətində razılığa gələrək, nəqliyyat və logistika sahəsində konkret addımlar atıblar. Bu çərçivədə 26 may 2026-cı il tarixindən etibarən Bakı–Tbilisi–Bakı marşrutu üzrə gündəlik sərnişin qatarlarının fəaliyyəti bərpa olunacaq.
İmzalanmış sənədlər enerji və nəqliyyat sahələrini də əhatə edir. Belə ki, Gürcüstana təbii qazın təchizatı, elektrik enerjisinin ötürülməsi və tranziti, eləcə də Bakı–Tbilisi–Qars dəmir yolu layihəsi çərçivəsində aparılan modernləşdirmə işlərinin yekunlaşması ilə bağlı razılaşmalar əldə olunub.
Bundan əlavə, SOCAR, “SOCAR Midstream Operations” və Gürcüstan Neft və Qaz Korporasiyası arasında Supsa terminalı da daxil olmaqla Qərb Marşrutu İxrac Boru Kəmərinin Gürcüstan hissəsinin istismarı ilə bağlı sənədlər imzalanıb.
Tərəflər həmçinin qeyd ediblər ki, bu razılaşmalar Azərbaycan və Gürcüstanın regionda əsas nəqliyyat və enerji bağlantı mərkəzləri kimi rolunu daha da gücləndirəcək.
