USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran XİN: “İstənilən vəziyyətlə üzləşməyə hazırıq”
İran Xarici İşlər Nazirliyinin sözçüsü İsmayıl Bəqayi regionda artan gərginlik fonunda İranın bütün ssenarilərə hazır olduğunu bəyan edib.
Onun sözlərinə görə, İran hesab edir ki, İsrailin hərbi addımları ABŞ-la koordinasiya olmadan həyata keçirilə bilməz. Bəqayi bildirib ki, ABŞ Mərkəzi Komandanlığı (CENTCOM) ilə İsrail arasında həm müdafiə, həm də hücum sahələrində sıx əməkdaşlıq mövcuddur və buna görə də Vaşinqton regionda baş verən hadisələrə görə məsuliyyət daşıyır.
XİN rəsmisi ABŞ-ın siyasətindəki ziddiyyətlərin və son hadisələrin diplomatik prosesə mənfi təsir göstərdiyini vurğulayaraq qeyd edib ki, son 24 saat ərzində yaşananlar mövcud gərginliyi daha da artırıb.
Bəqayi həmçinin bildirib ki, İranın silahlı qüvvələri, diplomatik qurumları və digər dövlət strukturları milli təhlükəsizliyin və ölkə maraqlarının qorunması üçün tam hazırlıq vəziyyətindədir:
“Silahlı qüvvələr, diplomatik aparat və millətin bütün orqanları milli təhlükəsizliyi və maraqlarını qorumaq üçün istənilən vəziyyətlə üzləşməyə hazırdır”.
Açıqlama İran-ABŞ münasibətlərinin gərgin olaraq qaldığı və regionda təhlükəsizlik məsələlərinin yenidən gündəmə gəldiyi bir dövrdə verilib.
