USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Cəzaçəkmə müəssisəsində saxlanılan fəalla bağlı təzyiq iddiaları yayılıb
“İşçi Masası” Həmkarlar İttifaqları Konfederasiyasının üzvü Elvin Mustafayevin saxlanıldığı 17 saylı Cəzaçəkmə Müəssisəsində təzyiq və hədələrlə üzləşdiyi iddia olunur.
Bu barədə məlumat onun yaxınları tərəfindən yayılıb. Onların sözlərinə görə, Mustafayev ictimai fəal Tofiq Yaqublunun səhhəti ilə bağlı müəssisə rəhbərliyinin münasibətini tənqid etdikdən sonra rejim rəisi Samit Qafarov tərəfindən yeni cinayət işi açılması ilə hədələnib.
Yaxınlarının iddiasına əsasən, Elvin Mustafayev bundan əvvəl də müəssisədə zorakılığa məruz qaldığını bildirib. Hadisənin mayın 9-da baş verdiyi qeyd olunur. Bildirilir ki, o, müxtəlif dövlət qurumlarına ünvanladığı şikayətləri göndərmək istəyib, lakin buna imkan verilməyib və tərəflər arasında gərginlik yaranıb.
Məlumata görə, Mustafayev cəzasının çəkilməmiş hissəsinin şərti hesab olunması ilə bağlı müraciətinə görə Bakı İstintaq Təcridxanasına aparılmalı idi. Köçürülməzdən əvvəl ondan saqqalını qırxması tələb olunub, o isə bu tələbi qanunsuz sayaraq etiraz edib.
Məsələ ilə bağlı rəsmi qurumların mövqeyi açıqlanmayıb.
