USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İnsan haqları müdafiəçisi Rüfət Səfərova 8 il həbs cəzası verilib
İnsan haqları müdafiəçisi, keçmiş müstəntiq Rüfət Səfərovun cinayət işi üzrə məhkəmə araşdırması başa çatıb.
Bakı Ağır Cinayətlər Məhkəməsində keçirilən son iclasda hökm elan olunub.
Məhkəmənin qərarına əsasən, Rüfət Səfərov külli miqdarda dələduzluq və xuliqanlıq niyyəti ilə qəsdən sağlamlığa az ağır zərər vurmaqda təqsirli bilinərək 8 il müddətinə azadlıqdan məhrum edilib.
Daha əvvəl dövlət ittihamçısı onun 9 il müddətinə azadlıqdan məhrum edilməsini istəmişdi.
Rüfət Səfərov 2024-cü ilin dekabrında həbs olunub. Müdafiə tərəfi və bir sıra yerli və beynəlxalq insan haqları təşkilatları onun həbsi və cinayət təqibinin hüquq müdafiəçiliyi fəaliyyəti ilə əlaqəli olduğunu bildiriblər. Səfərov isə irəli sürülən ittihamları qəbul etməyib.
Qeyd edək ki, Rüfət Səfərov 2015-ci ildə Zərdab Rayon Prokurorluğunda müstəntiq vəzifəsindən istefa verərək hüquq-mühafizə sistemindəki problemlərlə bağlı açıqlamalar vermişdi. Həmin ilin sonunda o, korrupsiya ittihamı ilə həbs olunmuş, 2019-cu ildə əfv sərəncamı ilə azadlığa buraxılmışdı.
Bu gün açıqlanan hökm onun son cinayət işi üzrə məhkəmə araşdırmasının yekunu olub.
