USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zaqatalada ilan sancması: bir nəfər ölüb, daha bir nəfər xəstəxanaya yerləşdirilib
Zaqatala rayonunda iki nəfəri ilan sancıb, onlardan biri dünyasını dəyişib.
Hadisələr Yuxarı Çardaxlar kəndində baş verib. Məlumata görə, 39 yaşlı Murad Məhəmməd oğlu Qurbanov iyunun 10-da əkin sahəsində işləyərkən ilan sancmasına məruz qalıb.
O, Zaqatala Rayon Mərkəzi Xəstəxanasına aparılıb və ilkin tibbi yardım göstərilib. Vəziyyəti ağır olduğundan daha sonra Bakıdakı Kliniki Tibbi Mərkəzə göndərilib. Həkimlərin səylərinə baxmayaraq, onun həyatını xilas etmək mümkün olmayıb.
Bu gün isə həmin kənddə daha bir ilansancma hadisəsi qeydə alınıb. 34 yaşlı İsmayıl Cuma oğlu Lələyevi yaşadığı evin həyətində ilan sancıb.
Zərərçəkən Zaqatala Rayon Mərkəzi Xəstəxanasına yerləşdirilib və ona tibbi yardım göstərilib. Həkimlərin qərarı ilə onun müalicəsinin Bakıda davam etdirilməsi nəzərdə tutulur.
