USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukrayna dronları Krımda kimya zavoduna zərbə endirib
Ukrayna Silahlı Qüvvələrinin pilotsuz uçuş aparatları Krımın Armyansk şəhərində yerləşən “Titan” kimya zavoduna zərbə endirib.
Məlumata görə, hücum iyunun 13-nə keçən gecə həyata keçirilib. Zərbələr nəticəsində müəssisənin ərazisində yanğın başlayıb və zavodun fəaliyyəti dayandırılıb.
“Titan” zavodu Şərqi Avropanın ən iri titan dioksid istehsalçılarından biri hesab olunur. Müəssisədə sənaye məqsədli kimyəvi məhsullarla yanaşı, bəzi hərbi sahələrdə istifadə olunan xammalların istehsal edildiyi bildirilir.
Yerli sakinlərin sözlərinə görə, zavod ərazisi uzun müddət dron hücumlarına məruz qalıb. Onlar müəssisənin müxtəlif sahələrində yanğın baş verdiyini və işçilərin təxliyə edildiyini bildiriblər.
Hadisə nəticəsində istehsal infrastrukturuna ciddi ziyan dəydiyi ehtimal olunur. Hazırda yanğının nəticələrinin aradan qaldırılması üçün tədbirlər görülür.
Müəssisəyə dəyən zərərin dəqiq miqyası və zavodun nə vaxt fəaliyyətini bərpa edəcəyi barədə rəsmi məlumat açıqlanmayıb.
