USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hərbi xidmətə çağırılan diplomatlar üçün yeni müavinət və imtiyaz müəyyənləşdi
Hərbi xidmətə çağırılan diplomatik xidmət əməkdaşları üçün yeni sosial təminatlar müəyyən edilib.
Məlumata görə, bu dəyişiklik Prezident İlham Əliyevin tətbiqi barədə fərman imzaladığı “Diplomatik xidmət haqqında” qanuna edilən əlavələrdə əksini tapıb.
Yeni qaydalara əsasən, müddətli həqiqi hərbi və ya alternativ xidmətə çağırılması ilə əlaqədar diplomatik xidmətinə xitam verilmiş əməkdaşa orta aylıq dövlət məvacibinin üç misli qədər birdəfəlik müavinət ödəniləcək.
Qanuna əlavə edilən müddəalara görə, hərbi xidmətə çağırılanadək diplomatik vəzifədə çalışmış şəxslər xidmətlərini başa vurduqdan sonra əvvəlki işlərinə qayıtmaq hüququ əldə edəcəklər.
Belə ki, diplomatik xidmət orqanının ləğvi istisna olmaqla, hərbi xidmətdən buraxıldıqdan sonra 60 təqvim günü ərzində müraciət edən şəxslər əvvəlki və ya ona uyğun diplomatik vəzifəyə təyin edilə biləcəklər.
Yeni müddəalar diplomatların hərbi xidmət dövründə sosial və peşə təminatlarının qorunmasına yönəlib.
