USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ-ın F-35B qırıcıları ilk dəfə Finlandiyada yerləşdirildi
ABŞ Dəniz Piyadaları Korpusunun beşinci nəsil F-35B qırıcı təyyarələri ilk dəfə Finlandiyaya yerləşdirilib.
Məlumata görə, bu addım Finlandiyada keçirilən “Ramstein Flag 2026” hərbi təlimləri çərçivəsində həyata keçirilib.
“Military Watch Magazine” (MWM) yazır ki, ABŞ Dəniz Piyadalarına məxsus F-35B qırıcıları Rusiyanın şimal-qərb sərhədlərinə yaxın ərazidə ilk dəfə eniş edib.
Təlimlər çərçivəsində Tervo bölgəsində magistral yolların müəyyən hissələrindən istifadə etməklə qırıcıların əməliyyat imkanları sınaqdan keçiriləcək.
Bu ssenarilər hərbi aviasiyanın adi hava bazalarından kənarda — müvəqqəti və əvvəlcədən hazırlanmış uçuş-enmə zolaqlarında fəaliyyət göstərmək qabiliyyətinin artırılmasına yönəlib.
F-35B təyyarələri qısa məsafədən qalxma və şaquli eniş imkanlarına malik olduğuna görə belə əməliyyatlar üçün xüsusi uyğunlaşdırılıb.
ABŞ və NATO ölkələrinin Finlandiyada keçirdiyi bu tip təlimlər regionda təhlükəsizlik vəziyyətinin gərginləşdiyi bir dövrdə keçirilir. Finlandiyanın NATO-ya üzvlüyündən sonra ölkənin alyans daxilində hərbi əməkdaşlığı və birgə təlimləri daha da genişlənib.
