USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lukaşenko Zelenskinin nümayəndələri ilə görüşdüyünü açıqladı
Belarus Prezidenti Aleksandr Lukaşenko Ukrayna Prezidenti Volodimir Zelenskinin nümayəndələri ilə görüşdüyünü bildirib.
Lukaşenko görüş zamanı Belarusu müharibəyə cəlb etmək cəhdlərinin münaqişənin xarakterini kəskin şəkildə dəyişə biləcəyini Ukrayna tərəfinə çatdırdığını deyib.
Onun sözlərinə görə, Kiyev vəziyyətin ciddiliyini anlayır və tərəflər arasında məzmunlu danışıqlara başlanmasının vacibliyi ilə bağlı müəyyən qarşılıqlı anlaşma mövcuddur.
“Bu yaxınlarda Minskdə Zelenskinin nümayəndələri ilə görüşdüm. Kiyev başa düşür ki, Minsk müharibəyə cəlb edilə bilməz”, — deyə Lukaşenko bildirib.
Belarus lideri ölkəsinin müharibəyə qoşulmaq niyyətində olmadığını vurğulayıb. O, Rusiyanın Belarusa bu istiqamətdə təzyiq göstərdiyi barədə iddiaları da rədd edib.
Lukaşenko qeyd edib ki, məsələ Rusiya Prezidenti Vladimir Putinlə dəfələrlə müzakirə olunub.
“Ukrayna xalqı belaruslara qarşı vuruşmaq istəmir. Belarus xalqı da ukraynalılarla müharibə etmək istəmir”, — deyə o əlavə edib.
Belarus Prezidenti tərəfləri gərginliyi artırmamağa, mövcud problemləri diplomatik yollarla həll etməyə və Rusiya ilə Belarusun maraqlarını nəzərə almağa çağırıb.
