USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukraynada həlak olan rusiyalı hərbçilərin sayı açıqlandı
Ukraynaya qarşı genişmiqyaslı müharibənin başlanmasından bu yana həlak olan 229 254 rusiyalı hərbçinin adı müəyyən edilib.
Bu barədə BBC, “Mediazona” və könüllülərdən ibarət araşdırma qrupu açıq mənbələr əsasında məlumat yayıb.
Bildirilir ki, həlak olanların 56 faizi müharibədən əvvəl mülki peşələrdə çalışan və yalnız işğaldan sonra Rusiya ordusu ilə müqavilə imzalayan şəxslərdir. Araşdırma müəllifləri qeyd edirlər ki, real itkilərin sayı daha yüksək ola bilər, çünki siyahı yalnız açıq mənbələrdə təsdiqlənmiş məlumatlara əsaslanır.
Məlumata görə, son dövrlərdə Rusiya ordusuna cəlb edilənlər arasında böyük borcu və krediti olan şəxslər, həmçinin cinayət məsuliyyətindən yayınmağa çalışanlar daha çox diqqət çəkir.
2024-cü ildən etibarən Rusiyada cinayət işi üzrə şübhəli və ya təqsirləndirilən şəxslərə Müdafiə Nazirliyi ilə müqavilə imzalayaraq məhkəmədən yayınmaq imkanı verilib. Bu mexanizm Rusiya ordusunun canlı qüvvə ilə təmin edilməsinin əsas yollarından birinə çevrilib.
Araşdırmada qeyd olunur ki, son dövrlərdə məhbusların ümumi itkilər içində payı azalır, mülki həyatdan müqavilə imzalayanların payı isə artır. Bu şəxslərin bir qismi orduya mümkün cəzadan yayınmaq üçün qoşulub.
