USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ukrayna MiQ-29 qırıcısını itirdi
Ukrayna Silahlı Qüvvələrinin Hərbi Hava Qüvvələri MiQ-29 qırıcısının itirildiyini açıqlayıb.
Məlumata görə, hadisə iyunun 27-nə keçən gecə Poltava vilayətində baş verib. Qırıcı təyyarə döyüş tapşırığını yerinə yetirərkən itirilib.
Ukrayna tərəfinin açıqlamasına əsasən, pilot katapult etməyə müvəffəq olub. O, xəstəxanaya yerləşdirilib. Hadisənin səbəbləri və başvermə şəraiti araşdırılır.
Rusiya Müdafiə Nazirliyi isə iyunun 27-də başqa açıqlama yayaraq, Rusiya pilotsuz uçuş aparatlarının Nikolayev vilayətindəki Voznesensk aerodromunda Ukraynaya məxsus iki MiQ-29 qırıcısına və yerüstü texnikaya zərbə endirdiyini iddia edib.
Rusiya tərəfi bununla bağlı yanan təyyarənin əks olunduğu görüntülər də yayıb.
Ukrayna hakimiyyəti hələlik Rusiya Müdafiə Nazirliyinin bu iddiasına münasibət bildirməyib.
