USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qubada 4,9 maqnitudalı zəlzələ baş verib – FHN açıqlama yaydı
Avqustun 14-də Azərbaycanın şimal bölgəsində zəlzələ qeydə alınıb.
Respublika Seysmoloji Xidmət Mərkəzinin məlumatına görə, yeraltı təkanlar yerli vaxtla saat 20:56-da Quba rayonu ərazisində baş verib.
Zəlzələnin maqnitudası 4,9, ocağının dərinliyi isə 13 kilometr olub. Yeraltı təkanlar episentrdə 5 bala yaxın, ətraf rayonlarda isə 3–4 bal gücündə hiss edilib.
Fövqəladə Hallar Nazirliyi də hadisə ilə bağlı məlumat yayıb. Nazirlik bildirib ki, zəlzələdən sonra mümkün fəsadlarla bağlı vəziyyət nəzarətdə saxlanılır.
FHN-in açıqlamasına əsasən, indiyədək zəlzələ nəticəsində dağıntı və ya insan xəsarəti barədə nazirliyə məlumat daxil olmayıb.
Zəlzələnin Azərbaycanın şimalındakı bir sıra rayonlarda sakinlər tərəfindən hiss edildiyi bildirilir.
