Ermənistan ərazisində zəlzələ baş verib.

Bu barədə AMEA nəzdində Respublika Seysmoloji Xidmət Mərkəzindən məlumat verilib.

Bildirilib ki, yeraltı təkan Heydərabad seysmik stansiyasından 14 kilometr şimal-şərqdə, Ermənistan ərazisində qeydə alınıb. Zəlzələ yerli vaxtla saat 09:57-də baş verib.

Seysmoloqların məlumatına görə, zəlzələnin maqnitudası 3,2 olub. Yeraltı təkanın ocağı 3 kilometr dərinlikdə yerləşib.

Zəlzələ Azərbaycan ərazisində də hiss olunub. Belə ki, təkanlar Naxçıvan Muxtar Respublikasının Sədərək rayonunun Heydərabad qəsəbəsində 3 bal gücündə qeydə alınıb.

Hadisə nəticəsində dağıntı və ya xəsarət alanlarla bağlı hər hansı məlumat verilməyib.

Respublika Seysmoloji Xidmət Mərkəzi bölgədə seysmik vəziyyətin nəzarətdə saxlanıldığını bildirib.[h1][/h1]