USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Divarı sökərkən milyonluq xəzinə tapdılar: qızıl külçələr və yüzlərlə sikkə
Belçikanın Dendermonde şəhərində bina təmiri zamanı tikinti işçiləri gözlənilməz tapıntı ilə qarşılaşıblar. Zirzəmidə divarın sökülməsi zamanı içərisi qızılla dolu sandıq aşkarlanıb.
İlkin hesablamalara görə, xəzinənin dəyəri təxminən 9 milyon avrodur.
Məlumata əsasən, səkkiz işçi zirzəmidə söküntü işləri apararkən istifadə etdikləri texnika qızılla dolu sandığa ilişib. Sandıq açıldıqdan sonra içərisində onlarla qızıl külçəsi və yüzlərlə qızıl sikkənin olduğu müəyyən edilib.
İşçilər tapıntı barədə binanın sahibinə məlumat veriblər. Mülkiyyətçi isə polisə müraciət edib.
Dendermonde polisinin rəhbəri Patrik Feysin sözlərinə görə, hüquq-mühafizə əməkdaşları qızılları rəsmi qeydiyyata alaraq inventarlaşdırıblar. Proses polis bölməsində kamera nəzarəti altında və eyni vaxtda dörd nəfərin iştirakı ilə həyata keçirilib.
Bundan sonra xəzinə möhürlənərək polis nəzarətinə götürülüb.
Hazırda hüquq-mühafizə orqanları milyonlarla avro dəyərində qızılın kim tərəfindən və nə vaxt divarda gizlədildiyini, həmçinin onun qanuni sahibinin kim olduğunu araşdırır.
Qeyd olunur ki, 9 milyon avro yalnız ilkin qiymətləndirmədir. Qızıl külçələrin və sikkələrin sayı, çəkisi, mənşəyi və tarixi dəyəri tam müəyyənləşdirildikdən sonra xəzinənin qiyməti dəyişə bilər.
