"Putin haqqında həbs qərarı çıxarmış Beynəlxalq Cinayət Məhkəməsi indi də Lukaşenko haqda şikayətləri araşdıracaq. Belarusun qonşusu Litva Beynəlxalq Cinayət Məhkəməsinə (BCM) şikayət edib ki, Belarus diktatorunun 2020-ci ilin prezident seçkisindən sonra, 2020-2024-cü illər ərzində həyata keçirdiyi irimiqyaslı repressiya insanlıq əleyhinə cinayət kimi qiymətləndirilməlidir. Lukaşenko Beynəlxalq Cinayət Məhkəməsində mühakimə edilməlidir.

BCM -in prokuroru Kərim xan bəyan edib ki, Litva dövləti tərəfindən BCM -ə ünvanlanmış şikayətə baxılacaq. Tamamilə mümkündür ki, BCM Lukaşenko haqqında da həbs orderi versin.

Beləliklə, bir tərəfdən Rusiya çalışır ki, xalqlarına zülm edən avtoritar rejimləri ayaqda və yanında saxlasın, digər tərəfdən də demokratik dünya birliyi belə rejimlərlə mübarizə üçün yeni-yeni mexanizmlər yaradır.

BCM Lukaşenko haqqında həbs qərarı çıxarsa, bu, beynəlxalq cinayət mühakiməsində olduqca vacib bir president yaradcaq. Öz xalqlarına divan tutan diktatorların, avtoritarların repressiyaları təkcə bir xalqa qarşı deyil, bütövlükdə insanlıq əleyhinə cinayət kimi qiymətlındiriləcək. Bununla da beynəlxalq birlik xalqlarına zülm edən zalımlara qarşı yeni bir hüquqi mexanizm əldə etmiş olacaq".