USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident “Polis haqqında” Qanuna dəyişiklikləri təsdiqlədi: Polisə əlavə maliyyə mənbələri ayrılacaq
Azərbaycan Prezidenti İlham Əliyev “Polis haqqında” Qanuna dəyişiklikləri təsdiqləyib. Yeni dəyişikliklər hüquq-mühafizə orqanlarının sosial müdafiəsinin gücləndirilməsi və maddi-texniki təminatının yaxşılaşdırılması məqsədi daşıyır.
Qanuna əsasən, polis orqanlarının fəaliyyətinin maliyyələşdirilməsi üçün əlavə vəsait mənbələri müəyyən olunub. Dəyişikliklərə görə, aşağıdakı hallarda dövlət büdcəsinə edilən ödənişlərin 5 faizi xüsusi hesab vasitəsilə müvafiq orqanın ixtiyarına veriləcək:
1. Polis orqanları tərəfindən aparılan istintaq çərçivəsində dövlət büdcəsinə cinayət nəticəsində vurulmuş ziyanın ödənilməsi üçün edilən ödənişlərdən 5 faiz;
2. Cinayət məsuliyyətindən azad edilmə üçün Azərbaycan Respublikasının Cinayət Məcəlləsinə uyğun olaraq dövlət büdcəsinə edilən ödənişlərdən 5 faiz.
Yığılan vəsaitlər müvafiq icra hakimiyyəti orqanının müəyyən etdiyi qurumun xəzinə hesabına köçürüləcək. Həmin vəsaitin hansı məqsədlərlə və necə istifadə ediləcəyi isə yenə həmin orqanın müəyyən etdiyi qaydalarla tənzimlənəcək.
Rəsmi məlumatda bildirilir ki, bu mexanizm polis əməkdaşlarının sosial təminatının gücləndirilməsi və hüquq-mühafizə orqanlarının infrastruktur ehtiyaclarının ödənilməsinə xidmət edəcək.
