USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyədə bayraq dirəyində rəqs edən turistə cinayət işi açılıb
Türkiyənin Nevşehirdəki məşhur Üçhisar Qalasında əcnəbi turistin bayraq dirəyinə çıxaraq rəqs etməsi ölkədə qalmaqala səbəb olub. Hadisə sosial şəbəkələrdə yayılaraq geniş müzakirə olunub.
Rəsmi qurumlar bu hərəkəti “milli simvolun təhqiri və millətin alçaldılması” kimi qiymətləndirib. Nevşehir Respublika Prokurorluğu açıqlama yayaraq bildirilib ki, turist barəsində Türkiyə Cəza Məcəlləsinin 300 və 301-ci maddələri üzrə cinayət işi açılıb.
Prokurorluq bəyan edib:
“Türkiyə bayrağı dirəyində əcnəbi vətəndaşın törətdiyi qeyri-adekvat davranışla bağlı təhlükəsizlik qüvvələrimiz tərəfindən aparılan təxirəsalınmaz araşdırma və aşkarlama işlərindən sonra lazımi cinayət işi açılıb, xarici ölkə vətəndaşı ilə bağlı məhkəmə istintaqı başladılıb.”
Qanunvericiliyə görə, həmin turist 3 ilə qədər azadlıqdan məhrumetmə cəzası ilə üzləşə bilər.
