USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan İlham Əliyevə təşəkkür etdi
Ermənistan Baş naziri Nikol Paşinyan Azərbaycanın Ermənistana yüklərin tranzitinə dair bütün məhdudiyyətləri aradan qaldırmasına görə Azərbaycan Prezidenti İlham Əliyevə təşəkkürünü bildirib.
O, bu barədə Tbilisidə keçirilən V Tbilisi Beynəlxalq İpək Yolu Forumunda çıxışı zamanı danışıb:
“Prezident İlham Əliyev dünən elan etdi ki, Azərbaycan öz ərazisindən Ermənistana malların tranzitinə qoyulan məhdudiyyətləri aradan qaldırır. Bu, çox mühüm bəyanatdır və mən bu addımına görə Azərbaycan Prezidentinə minnətdarlığımı bildirmək istəyirəm. Mən həm də buna görə Qazaxıstan Prezidentinə və Gürcüstanın Baş nazirinə təşəkkürümü ifadə edirəm.”
Paşinyanın sözlərinə görə, bu qərar regionda ticarət əlaqələrinin inkişafına və qarşılıqlı etimadın möhkəmləndirilməsinə töhfə verəcək.
