USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Donald Tramp İsraili xəbərdar etdi: “İlhaq olarsa, bütün dəstəyi itirəcəksiniz”
ABŞ Prezidenti Donald Tramp İsrailə sərt xəbərdarlıq edib. O bildirib ki, İordaniya çayının Qərb sahilinin ilhaqı halında ABŞ İsrailə göstərilən bütün yardımı tamamilə dayandıracaq.
Tramp bu barədə “Time” jurnalına müsahibəsində danışıb:
“Bu, baş verməyəcək, çünki mən ərəb ölkələrinə söz vermişəm. Siz (İsrail) bunu indi edə bilməzsiniz. Biz ərəb ölkələrindən böyük dəstək aldıq. Əgər bu baş versə, İsrail ABŞ-ın bütün dəstəyindən məhrum olacaq”.
ABŞ lideri əlavə edib ki, onun rəhbərliyi dövründə regionda ərəb dövlətləri ilə əlaqələr taraz şəkildə qurulub və bu balansın pozulmasına imkan verilməyəcək.
Qeyd edək ki, İsrail hökumətində son vaxtlar Qərb sahilinin ilhaqı ilə bağlı müzakirələr yenidən gündəmə gəlib. Bu addım beynəlxalq ictimaiyyət tərəfindən ciddi narazılıqla qarşılanır.
