USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ İsrail-İran münaqişəsinə müdaxilə etdi – Tramp: “Fordo tamamilə məhv edilib”
İsrail ilə İran arasında gərginlik fonunda ABŞ-ın hərbi müdaxiləsi münaqişənin miqyasını daha da genişləndirə bilər. ABŞ Prezidenti Donald Trampın göstərişi ilə ABŞ Hərbi Hava Qüvvələri İranın yeraltı nüvə obyektlərinə zərbələr endirib.
Media məlumatlarına əsasən, ABŞ-a məxsus B-2 tipli “görünməz” bombardmançı təyyarələr İranın Fordo şəhərində yerləşən nüvə obyektini hədəfə alıb. Tramp hücumun nəticəsi olaraq obyektin tamamilə məhv edildiyini bəyan edib.
Ekspertlər ABŞ-ın bu addımını ciddi təhlükə kimi qiymətləndirirlər. Onların fikrincə, Vaşinqtonun birbaşa müdaxiləsi regional müharibəni qlobal toqquşmaya çevirə bilər. İran tərəfi isə cavab zərbələri ilə hədələyir və vəziyyətin daha da gərginləşəcəyi istisna edilmir.
Hazırda beynəlxalq ictimaiyyət BMT və digər beynəlxalq təşkilatlar vasitəsilə tərəfləri təmkinə çağırır. ABŞ-ın müdaxiləsi isə həm regionda, həm də dünya arenasında yeni geosiyasi böhran riskini artırır.
