USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezident İlham Əliyev Sabirabadda pambıq emalı zavodunun fəaliyyətini yoxlayıb
Azərbaycan Respublikasının Prezidenti İlham Əliyev oktyabrın 28-də Sabirabad Sənaye Məhəlləsində yerləşən “Taşobası” Məhdud Məsuliyyətli Cəmiyyətinin (MMC) pambıq emalı zavodunun işini yoxlayıb.
Zavod 2023-cü ildə Sabirabad Sənaye Məhəlləsinin rezidenti kimi qeydiyyata alınıb və burada Türkiyə, Almaniya və İtaliya texnologiyaları tətbiq edilərək mahlıc və texniki çiyid istehsal olunur. Layihənin dəyəri 3,3 milyon manat təşkil edir. Zavodun illik istehsal gücü 8 min ton mahlıc və 10 min ton texniki çiyiddir. Məhsul həm daxili bazara təqdim edilir, həm də ixrac olunur; indiyədək istehsal olunan məhsulun 2,6 milyon manatlıq hissəsi satılıb, bunun 2,2 milyon manatı ixracın payına düşür.
Xammal kimi Neftçala, Salyan, Sabirabad və Saatlı rayonlarında yetişdirilən pambıq istifadə edilir ki, bu da pambıq sahələrində 300 nəfərin mövsümi işlə təmin olunmasına şərait yaradır. Zavodda ümumilikdə 80 iş yeri yaradılıb.
