USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hakan Fidan: “Putinlə Zelenskini İstanbulda qəbul etməyə hazırıq”
Türkiyə Rusiya və Ukrayna liderlərini İstanbulda danışıqlara dəvət etməyə və qəbul etməyə hazırdır.
Bu barədə Türkiyənin xarici işlər naziri Hakan Fidan açıqlama verib.
Nazirin sözlərinə görə, Rusiya-Ukrayna münaqişəsində sabit atəşkəsə nail olmaq istiqamətində ilk əsas addım məhz İstanbulda atılıb:
“Atəşkəs və sülh danışıqlarının ilkin təməlləri İstanbulda qoyulmuşdu. Həmin danışıqlar zamanı mühüm məsələlər üzrə razılıq əldə edilmişdi.”
Fidan əlavə edib ki, Türkiyə sülh dialoqunun bərpasında vasitəçi rolunu davam etdirmək niyyətindədir və bu məqsədlə Vladimir Putin və Vladimir Zelenskini İstanbulda qəbul etməyə hazırdır:
“Türkiyə bu dialoqu davam etdirməkdə qərarlıdır və hər iki lideri İstanbulda səmimi şəkildə qəbul etməyə hazırdır.”
Nazir qeyd edib ki, Ankara bu istiqamətdə həm diplomatik kanallar, həm də humanitar təşəbbüslər vasitəsilə fəaliyyətini sürdürür.
