USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Oqtay Əsədov 22 ildən sonra federasiya rəhbərliyindən getdi
Mayın 1-də Azərbaycan Tennis Federasiyası İctimai Birliyinin ümumi yığıncağı keçirilib.
Tədbirdə çıxış edən gənclər və idman naziri Fərid Qayıbov iştirakçıları salamlayaraq federasiyanın fəaliyyətinə uğurlar arzulayıb. Nazir eyni zamanda 22 il quruma rəhbərlik etmiş Oqtay Əsədova təşəkkürünü bildirib.
Yığıncaqda 2022–2026-cı illər üzrə fəaliyyət hesabatı təqdim olunaraq səsvermə ilə təsdiqlənib, həmçinin federasiyanın nizamnaməsi yeni redaksiyada qəbul edilib.
Daha sonra rəhbərliyə seçkilər keçirilib. Səsvermənin nəticələrinə əsasən, Ənvər Ənvərli 4 il müddətinə federasiyanın yeni prezidenti seçilib. Əliağa Fətullayev birinci vitse-prezident, Amal Əlili və Orxan Manaflı vitse-prezident vəzifələrinə seçiliblər. İdarə Heyətinə isə Ramiz Həmzə-Zadə, Ləman Əliyeva və Elvin Məsimov daxil olublar.
Həmçinin Nəzarət-Təftiş Komissiyasına seçkilər keçirilib. Fəzli Əzizov sədr, Faiq İsmayılov və Azər İsmayılov isə üzvlər seçiliblər.
Qeyd edək ki, Oqtay Əsədov bu dəfə prezidentliyə namizədliyini irəli sürməyib və bununla da uzun illər tutduğu vəzifədən ayrılıb.
