USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yaponiya və Cənubi Koreya vətəndaşları Azərbaycana vizasız səfər edə biləcəklər
Yaponiya və Koreya Respublikası vətəndaşları üçün Azərbaycana vizasız giriş rejimi qüvvəyə minib.
Dövlət Miqrasiya Xidmətindən verilən məlumata görə, yeni qaydalar turizm məqsədilə səfər edən Yaponiya və Koreya Respublikasının ümumvətəndaş pasportuna malik vətəndaşlarına şamil olunur.
Qərara əsasən, həmin ölkələrin vətəndaşları 2026-cı il iyulun 1-dən 2027-ci il iyulun 1-dək Azərbaycana viza almadan səfər edə biləcəklər. Bu müddət ərzində onlara ölkəyə üç dəfə vizasız giriş hüququ verilir. Hər səfər zamanı ölkədə qalma müddəti 30 gündən artıq olmamalıdır.
Yeni rejimin məqsədi vətəndaşların səyahət imkanlarını asanlaşdırmaq, Azərbaycanla Yaponiya və Koreya Respublikası arasında əməkdaşlığı genişləndirmək, həmçinin turizmin inkişafını təşviq etməkdir.
Turizmdən fərqli məqsədlərlə Azərbaycana gəlmək və ya ölkədə daha uzun müddət qalmaq istəyən şəxslər isə mövcud qanunvericiliyə uyğun olaraq müvafiq viza almalıdırlar.
