USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sara Netanyahunun iranlılara müraciəti yenidən gündəmdə
İsrail Baş nazirinin həyat yoldaşı Sara Netanyahu tərəfindən bir il əvvəl İran xalqına ünvanlanan mesaj yenidən sosial şəbəkələrdə geniş müzakirə olunmağa başlayıb.
Həmin müraciətdə Sara Netanyahu iranlılara xitab edərək bildirib ki, onların qədim və zəngin mədəni irsə sahib bir xalq olduğunu vurğulayır. O, həmçinin qeyd edib ki, İsrailin mübarizəsi İran xalqına qarşı deyil, ölkəni idarə edən rejimə qarşı yönəlib.
Sara Netanyahu çıxışında həyat yoldaşı, İsrailin Baş naziri Benjamin Netanyahu-nun tez-tez səsləndirdiyi fikirlərə istinad edərək belə deyib:
“Biz sizin düşməniniz deyilik. Bizim mübarizəmiz sizi sıxışdıran avtoritar rejimlədir, sizinlə yox.”
Mesajda gələcəyə dair ümidlər də ifadə olunub. O, İsrail və İran xalqları arasında sülh, azadlıq və dostluq münasibətlərinin mümkünlüyünə inandığını bildirib.
Ekspertlər hesab edir ki, bu cür açıqlamaların yenidən gündəmə gəlməsi İran və İsrail arasında davam edən gərginlik fonunda informasiya mübarizəsinin bir hissəsi kimi dəyərləndirilə bilər.
