USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Efirdən uzaqlaşdırılan Tolikdən sərt açıqlama: “Pulumu verməsəniz, hamınızı ifşa edəcəyəm!”
Televiziyadan uzaqlaşdırıldıqdan sonra gündəmdən düşməyən prodüser Tarix Əliyev (Tolik) bu dəfə maliyyə qalmaqalı ilə diqqət mərkəzinə düşüb.
Prodüser bildirib ki, əvvəlki fəaliyyət dövründə həm televiziya efirində, həm də sosial media platformalarında reklam etdiyi bəzi şirkətlərdən ödənişini hələ də ala bilməyib. Onun sözlərinə görə, reklamını etdiyi məkan və şirkətlər ödəniş vaxtı gəldikdə müxtəlif bəhanələr gətirirlər.
Tolik artıq səbrinin tükəndiyini vurğulayaraq həmin şirkətlərə ultimatum verib:
“Efirdə şirkətlərini reklam edirsən, məkanlarını tanıdırsan, sosial şəbəkədə paylaşırsan, amma ödəniş vaxtı gələndə deyirlər ki, pulumuz yoxdur. Hələ ki, heç kimin adını çəkmirəm. Amma bir-iki gün ərzində ödənişim edilməsə, hamısını ictimailəşdirəcəyəm və lazımi qurumlara şikayət edəcəyəm.”
Prodüser qeyd edib ki, reklam etdiyi şirkətlərdən yalnız zəhmətinin qarşılığını tələb edir və ödənişlərin vaxtında edilməsini istəyir.
Məsələ ilə bağlı adı hallanan şirkətlər tərəfindən hələlik rəsmi açıqlama verilməyib.
