USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Köhnə IVECO avtobusları yenidən Bakı küçələrinə qayıdır
Azərbaycan Yerüstü Nəqliyyat Agentliyi (AYNA) istismardan kənarda qalan IVECO markalı avtobusların bərpası və yenidən marşrut xətlərinə qaytarılması istiqamətində işlərə başlayıb.
Məlumata görə, vaxtilə Bakıda sərnişindaşımada geniş istifadə olunan, sıxılmış təbii qazla (CNG) işləyən və yüksək sərnişin tutumuna malik IVECO avtobusları yenidən istifadəyə veriləcək.
2014–2015-ci illərdə alınan bu nəqliyyat vasitələri ehtiyat hissələrinin təminatı və ixtisaslaşmış texniki xidmətlə bağlı yaranan problemlər səbəbindən marşrutlardan çıxarılıb və uzun müddət avtobus parklarında istifadəsiz qalıb.
AYNA bildirib ki, istismar potensialını qoruyan onlarla avtobus əsaslı təmir və bərpadan sonra yenidən xəttə buraxılacaq.
Qurumun məlumatına görə, bu addım həm nəqliyyat parkının səmərəli istifadəsinə, həm də marşrutlarda əlavə avtobusların cəlb edilməsinə imkan yaradacaq. Eyni zamanda, istismar müddətini başa vurmuş köhnə avtobusların mərhələli şəkildə yenilənməsinə şərait yaradacağı qeyd olunur.
