USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dünyanın ən məşhur TikTokeri Khabi Lame ABŞ-dan vizasız qalma səbəbilə çıxarılıb
160 milyondan çox izləyicisi ilə dünyanın ən məşhur TikTok ulduzu sayılan Khabi Lame ABŞ-da viza müddəti başa çatdığı üçün Las Veqasda immiqrasiya rəsmiləri tərəfindən saxlanılıb. Məşhur videobloqer rəsmi deportasiya qərarı olmadan ölkəni tərk etməyə razı salınıb.
ABŞ İmmiqrasiya və Gömrük Mühafizə İdarəsinin (ICE) sözçüsü bildirib ki, Lame cümə günü Harri Rid Beynəlxalq Hava Limanında saxlanılıb. Qurumun məlumatına görə, onun ABŞ vizası artıq qüvvədə olmayıb və bu səbəblə hüquqi prosedura başlanıb. Lakin deportasiya qərarı çıxarılmadan əvvəl o, könüllü şəkildə ölkəni tərk etməyə razı olub.
Əsl adı Seringe Habane Lame olan TikTok fenomeni Seneqal əsilli İtaliya vətəndaşıdır. Onun ABŞ-da qalmaq icazəsi vizanın müddətinin bitməsi ilə hüquqi qüvvəsini itirib. Məlumata görə, Lame ölkəni artıq tərk edib və hazırda Avropadadır.
