İsrailin İrana qarşı həyata keçirdiyi irimiqyaslı hava zərbələri nəticəsində ən azı altı nüvə alimi həlak olub. Bu barədə İranın yarırəsmi “Tasnim” xəbər agentliyi məlumat yayıb.

Həlak olan nüvə alimlərinin adları aşağıdakılardır:
• Abdolhamid Minuçehr
• Ahmadreza Zolfaghari
• Amirhüseyn Faqhi
• Motlabizadə
• Məhəmməd Mehdi Tehrançı
• Fereydun Abbasi

Məlumata görə, hücumlar Tehran, Natanz və digər strateji şəhərlərdə yerləşən nüvə və hərbi obyektləri hədəfə alıb. Zərbələr nəticəsində həm elmi sahədə önəmli fiqurlar, həm də yüksək rütbəli hərbçilər həyatını itirib.

Regionda gərginlik artır: İsrail fövqəladə vəziyyət elan edib

İsrail tərəfi ölkədə fövqəladə vəziyyət elan edərək ehtiyat qüvvələrin səfərbərliyinə başlayıb. Tehranın cavab zərbələrinə hazırlaşdığı bildirilir.

ABŞ iştirakını inkar edir

ABŞ rəsmiləri hərbi əməliyyatda iştiraklarını inkar ediblər. Lakin regionda ABŞ qüvvələrinin yüksək hazırlıq vəziyyətinə gətirildiyi bildirilir.

Hazırda beynəlxalq müşahidəçilər hadisələrin regional münaqişəyə çevrilmə təhlükəsini ciddi şəkildə izləyir.