İsrail ordusu İrana qarşı genişmiqyaslı hava hücumu həyata keçirib. Hücumlar əsasən Tehran, Natanz və digər bölgələrdə yerləşən nüvə obyektlərinə yönəlib.

İsrailin zərbələri nəticəsində İranın hərbi və elmi infrastrukturlarına ciddi ziyan dəydiyi bildirilir. İran mətbuatı bir sıra nüvə alimlərinin və yüksək rütbəli hərbçilərin həlak olduğunu açıqlayıb.

İsrail tərəfi hücumun səbəbi kimi İranın son günlərdə nüvə silahı hazırlamaq üçün apardığı sınaqları göstərir. İsrail Müdafiə Qüvvələrinin sözçüsü Efi Defrin bəyan edib ki, bu sınaqlar “İranın qısa zamanda atom bombası hazırlamaq imkanına malik olduğunu sübut edir”.

Hazırda tərəflər arasında gərginlik son dərəcə artıb. İsrail fövqəladə vəziyyət elan edib, ehtiyatda olan hərbçilər səfərbərliyə çağırılıb. İran isə cavab zərbəsi endirməyə hazırlaşır.