İran Beynəlxalq Atom Enerjisi Agentliyinin (MAQATE) ölkədəki nüvə obyektlərinə nəzarət imkanlarını məhdudlaşdırdığını açıqlayıb. Bu barədə İran parlamenti – İslami Şura Məclisinin vitse-spikeri Həmidreza Hacı Babaei məlumat verib.

“Biz artıq Qrossinin iştirakına və nüvə obyektlərində MAQATE kameralarının quraşdırılmasına icazə verməyəcəyik”, – deyə o bildirib. Hacı Babaei əlavə edib ki, İran bu qərarı İsraildən əldə etdikləri sənədlərə əsasən qəbul edib: “Bizim nüvə obyektlərimiz haqqında məlumatların İsrailə ötürüldüyünü həmin sənədlərdən gördük.”

Məsələ ilə bağlı açıqlama verən İran parlamentinin Milli Təhlükəsizlik və Xarici Siyasət Komissiyasının üzvü Moctaba Zolnouri də MAQATE-nin baş direktoru Rafael Qrossini İslam Respublikasına qarşı “xəyanətdə” ittiham edib.

Rəsmi Tehran bu qərarın milli təhlükəsizlik baxımından zəruri olduğunu bildirir. MAQATE-nin isə məsələ ilə bağlı hələlik rəsmi mövqeyi açıqlanmayıb.