2015-ci ildə İran nüvə proqramını Beynəlxalq Atom Enerjisi Agentliyinin (MAQATE) nəzarətinə verməklə Qərblə razılaşmaya getmişdi. Bu addım, İranın nüvə silahı əldə etməsinin qarşısını almaq və sanksiyaların yumşaldılması məqsədi daşıyırdı. Lakin münasibətlərdəki bu müsbət dinamika uzun sürmədi.

2018-ci ildə ABŞ-ın o zamankı prezidenti Donald Tramp birtərəfli qaydada nüvə sazişindən çıxdığını elan etdi. Ardınca isə 2019-cu ildə İran da razılaşmadan tamamilə geri çəkildiyini bəyan etdi. Bu qərarlar bölgədə yeni bir qarşıdurma dövrünün başlanğıcı oldu.

Son günlərdə İsrailin İranın nüvə obyektlərinə hücumu fonunda diplomatik danışıqların nəticəsiz qalması və yeni eskalasiya təhlükəsi gündəmdədir. Müşahidəçilər hesab edirlər ki, İsrailin hücumu İran daxilində rejimin sərtləşməsinə və hərbi kursun güclənməsinə səbəb ola bilər.

Qərb və regional güclər arasında diplomatik cəhdlər davam etsə də, analitiklər vəziyyətin nəzarətdən çıxma ehtimalını istisna etmirlər.